Area riservata
Da tempo gira in "Trenta"
un grupo de sciopai,
per tutelar l'ambiente
unidi e organizai.
Difender la natura
xe nobile mission
e, per convinzer i altri,
i fa predicazion
con corsi programadi
de sera, in via Battisti,
dove se impara tuto
su argomenti misti.
I parla de botanica,
de piante poco note,
dei primi abitatori
del Carso e dele grote.
I fa perfin strighezi:
taiando le patate
i mostra a tuti come
le selci iera fate.
Casite e jazere
no xe più robe strane,
cussì le vasche in piera
e i stagni co' le rane.
I mandrioi de Colla,
vardai soto la lente,
par mostri alieni. tanto,
da impressionar la gente.
Insoma tuto ciaro,
lampante e ben spiegà,
el Carso per 'sti mati
segreti più no gà.
Adesso i xe contenti
de aver ragiunto un scopo:
i Laghi de Noghere
da poco xe "Bio-Topo".
Ma no volessi che,
tra qualche setimana,
'sto povero "Bio-Topo"
diventi "Pantigana". !
(JURE).